Ventoso (mes)

Ventoso (en francés: Ventôse) é o nome do sexto mes do calendario republicano francés, o terceiro da estación do inverno, que dura desde o 19, 20 ou 21 de febreiro ata o 19 ou 20 de marzo, segundo o ano. Coincide aproximadamente co paso aparente do Sol pola constelación zodiacal de Pisces.

É coñecido polos chamados decretos de ventoso, tomados pola Convención Montañesa e polos que se requisaban os bens dos sospeitosos para seren repartidos entre os pobres.